საქართველოს ლიფტების ინდუსტრიის უსაფრთხო, პროფესიონალური და მდგრადი მომავალი

საქართველოს ლიფტების ასოციაცია წარმოადგენს დარგობრივ ორგანიზაციას, რომლის მიზანია საქართველოში ლიფტებისა და ესკალატორების სექტორის უსაფრთხო, ხარისხიანი და მდგრადი განვითარების ხელშეწყობა.

სამშენებლო სექტორის სწრაფი განვითარებისა და ლიფტების ტექნოლოგიების მუდმივი განახლების ფონზე, ასოციაცია მხარს უჭერს დარგის სპეციალისტთა პროფესიულ განვითარებას. ამ მიზნით რეგულარულად ტარდება სასწავლო პროგრამები, სემინარები და ტექნიკური ღონისძიებები, ხოლო თანამედროვე ტექნოლოგიები, უსაფრთხოების პრაქტიკა და საერთაშორისო ტენდენციები მუდმივ მონიტორინგსა და პოპულარიზაციას გადის.

ასოციაცია წარმოადგენს თავისი წევრების უფლებებსა და კანონიერ ინტერესებს შესაბამის სახელმწიფო უწყებებში, ხელს უწყობს დარგობრივი გამოწვევების გადაჭრას და მონაწილეობს შესაბამისი კანონმდებლობისა და ტექნიკური სტანდარტების შემუშავებაში.

“უსაფრთხოების, ხარისხის, განათლებისა და ტექნოლოგიური განვითარების პრინციპებზე დაყრდნობით, ჩვენ ვქმნით საქართველოს ლიფტების ინდუსტრიის ძლიერ, პროფესიონალურ და მდგრად მომავალს.”